É un día calquera no bosque. Na consulta da enfermeira, un topo con bandexa de metal e xiringa, cada paciente espera a súa quenda cando irrompe no claro un cazador de gatillo fácil. Por casualidade e sorte, unha das balas que ía dereito ao peito dun lobo é desviada pola percha do soro que está a recibir en vea un coelliño. Como o código lupino é claro como a auga (un lobo debe protexer e coidar a quen unha vez salvoulle a vida), este último leva o animaliño e foxen xuntos bosque a través.