A Valentina dóelle moito a tripa. Para axudala a descubrir por que, a súa nai cóntalle que no seu corpo hai bichiños bos e malos, e que cando come doces ou fritos, os malos montan un festín dentro da súa barriga. Así, Valentina, xunto aos seus novos amigos os bichiños, embárcase na gran viaxe da dixestión para entender como funciona o seu corpo, que lles pasa aos alimentos que comemos e por que as cacas son importantes.