Cando somos nenos temos heroes que nos acompañan toda a vida. De pequena enfeitizábanme as historias nas que o protagonista salvaba o mundo de catástrofes, gozaba da natureza e a defendía daqueles que a descoidaban. Producíame moita envexa velos construír unha cabana no medio dun bosque e vivir nela. Estes personaxes bulían polas páxinas dos meus libros. Medrei pensando que faría o día que dese cun deles. Eu, atopeino. O meu heroe chámase Man, naceu en Alemaña, ten sete irmáns e entre os seus oficios está o de pasteleiro. Un día Man decide emprender unha longa viaxe en busca dese lugar no que un está ben e sente que quere ficar para sempre. Encontrouno en Camelle e, co tempo, será coñecido polo alcume do Alemán de Camelle [...]/ Beatriz Maceda Abeleira [A Coruña, 1963]. Mestra de educación primaria, diplomada pola Escola Universitaria de Lugo e máster en Orientación Educativa. Adícase á docencia desde hai catorce anos e combina a súa profesión coa participación en congresos; tamén imparte cursos sobre ensino global. A literatura é outra das súas paixóns. Ten publicados relatos en revistas dixitais. Esta obra constitúe o seu primeiro conto infantil sobre un dos seus heroes silandeiros"/ Laura Veleiro Suárez, (Xixón, 1970). Escritora e ilustradora, principalmente de libros infantís. Despois de finalizar os seus estudos universitarios na Facultade de Xeografía e Historia da Universidade Complutense de Madrid, traballou xa en Galicia, no mundo editorial como redactora en Hércules de Ediciones. No ano 2010 publicou o su primeiro proxecto persoal Nubeman baixo o selo de ECU Ediciones

Biografías

3º-4º Primaria